Himanshu Singh Murder Case:Parivaar Ne Thukraya Job Offer! 3 July Jamshedpur Bandh Ki Chetavni #news
Jamshedpur mein Karni Sena neta Himanshu Singh murder case ko lekar tanaav lagataar badhta ja raha hai. Budhwar ko mritak ke ghar ke bahar phir virodh dekhne ko mila. Police aur prashasan ke adhikariyon ko parijanon ke virodh ka saamna karna pada.
Prashasan ne Himanshu Singh ki patni Richa Singh ko naukri ka prastaav diya, lekin parivaar ne permanent sarkari naukri ki maang karte hue isse thukra diya. Parijanon ka kehna hai ki jab tak sthaayi naukri aur hatya ke aaropiyon ke khilaaf sakht karvayi nahi hoti, tab tak antim sanskar nahi kiya jayega.
Is beech poorv Mukhyamantri Raghubar Das ne chetavani di hai ki agar peedit parivaar ko nyay nahi mila aur law and order mein sudhaar nahi hua, to 3 July ko Jamshedpur Bandh ka aahvaan kiya jayega.
For similar news videos, do follow, like, promote and watch Town Post Live 24×7
